Në fakt pasionet e drejtuesve të shteteve mund të jenë nga më të ndryshmet, nga sporti dhe deri te marrëdhënia me artin.
Për kryeministrin finlandez, Juha Sipila pasioni i tij i madh është pilotimi. Ai përveçse e ka hobi në kohën e lirë, piloton avionë dhe në takimet zyrtare.
Fans i aviacionit dhe i masave shtrënguese buxhetore, shefi i qeverisë së qendrës, 55 vjeç, adhuron të marrë drejtimin e aeroplanëve që merr me qira.
Akoma më mirë, edhe faturat i paguan vetë, si për të qenë më legjitim në momentin që mbron idenë e një shteti që kursen. Që kur ka marrë funksionet, në maj 2015, ky ish-sipërmarrës, i njohur për aftësitë e tij menaxhuese, ka zënë vendin e pilotit gjatë 19 fluturimeve zyrtare në Finlandë dhe jashtë saj. (E.K/SHUPLAKA)
Discussion about this post