Ish-mesfushori i Milanit dhe Juventusit, Andrea Pirlo është rikthyer të flas për të shkuarën e tij si futbollist. Tekniku i Sampdorias dha një intervistë për “Radio Tv Serie A”. Pirlo kujtoi kohën e skandalit të “Calciopolit” në verën e 2006 kur edhe Italia fitoi Kupën e Botës.
Pas botërorit Pirlo rrëfen se nënshkroi një kontratë me Realin e Madridit.
“Unë kam jetuar gjithmonë me shumë pritshmëri”, thotë Pirlo.
“Nuk i kam vendosur kurrë kufij vetes. Doja të isha një nga më të mirët që fitoi një Kupë Bote dhe një Champions League. Nuk kam qenë kurrë i kënaqur, ajo që kam bërë nuk më mjaftonte kurrë, gjithmonë përpiqesha të përmirësohesha. Në periudhën e Calciopolit sapo kishim fituar Kupën e Botës dhe nuk ishte e qartë se si do të rifillonte Serie A. Unë kisha nënshkruar një kontratë me Real Madrid, kur në ditën e parë të kampit stërvitor me Milanin më thanë që do rifillonte Serie A dhe firmosa sërish me Milanin”, shprehet Pirlo.
Sakaq ai rrëfen edhe një episod tjetër të disa viteve më vonë kur pati një bisedë me trajnerin e atëhershëm të Barcelonës, Pep Guardiola.
“Gjatë trofeut Gamper (2010) u thirra nga Guardiola në zyrën e tij sepse më donte tek Barcelona. Në të njëjtën kohë po merrte formë edhe ideja e ardhjes së Ibrës në Milano. Në fund erdhi Ibra dhe qëndrova tek Milani”, tha për Radio TV Serie A, Andrea Pirlo.
Pirlo tani drejton ekipin e Sampdorias dhe nuk po kalon një moment të mirë, pasi gjenovezët renditen në vendin e 14-të në Serie B.
Discussion about this post