Ushtarja 35-vjeçare nga Kantoni Thurgau në Zvicër, e cila një vit më parë ka shkaktuar një aksident ndërse ngiste makinën në Kosovë, është dënuar nga Gjykata.
Në seancën gjysësore, ushtarja e cila ka shërbyer në misionin paqeruajtës zviceran ka deklaruar se ka pirë raki me një prift në Kosovë.
Sipas saj, “në Ballkan ecën puna vetëm nëse përshtatesh me kulturën e atjeshme”.
“Misioni i Sëisscoy-t konsiston në grumbullimin e informacioneve nga popullata dhe autoritetet e Kosovës. Dhe, për ta bërë këtë me sukses duhesh t`i përshtatesh rrethanave”, thotë ish-ushtarja.
Në këtë rast kjo do të thotë të pish raki me mikpritësit, me serbët e Kosovës. Ka qenë tepër e vështirë vendosja e komunikimit me priftin e fshatit, (diku në Kosovë) kështu që për të pasur sukses, asaj i është dashur të shkonte në një kafe dhe të pinte raki bashkë me priftin serb, oficerin zviceran dhe mikpritësit tjerë.
Madje shumë raki! Aq shumë sa që kur në rrugën e kthimit e mori timonin e makinës ushtarake (pasi oficeri ishte më i dehur se ajo), e humbi kontrollin mbi të dhe ndodhi aksidenti.
Në fakt, në rregulloren ushtarake të Sëisscoy-t në Kosovë pranohet, madje preferohet pirja e alkoolit me mikpritësit me qëllim lehtësimin e komunikimit. Mirëpo bëhet fjalë vetëm vetëm për ndonjë gotë të vogël.
Kështu jykata ka vendosur një gjobë prej 9100 frangash si dënim për ushtaren, ndërsa shefin e saj oficer me 3600 franga për faktin se e ka lejuar ushtaren të ngiste makinën në gjendje të dehur.
Oficeri kishte qenë edhe më I pirë se ajo, ndaj edhe e kishte lënë atë ta drejtonte makinën. Në mjet ka qenë edhe përkthyesja e tyre, e cila ka pësuar tronditje truri dhe gërvishtje. (D.D/Shuplaka)
Discussion about this post