Ditën e djeshme kryeministri Edi Rama, publikojë në profilin e tij listën e zyrtarëve të cilët kanë abuzuar me detyrën në adimistratë.
Pjesë e listës së publikuar, ku përfshihen emrat e 101 zyrtarëve të denoncuar nga qytetarët, ishte edhe mjeku nga Vlora, Erjon Koka.
Mjeku nga Vlora ka sqaruar arsyet pse emri i tij u përfshi në këtë listë, i kontaktuar për “BalkanWeb”, Koka sqaron se ishte pjesë e kësaj liste vetëm për faktin se nuk i ka dhënë grupin maksimal të invaliditetit një pacienteje.
Ndërkohë Koka shprehet se edhe atij i lind e drejta të bëjë një kundër denoncim për shpifje dhe dezintegrim të figurës së mjekut.
“Jam listuar si abuzues me detyrën pasi nuk i kam dhënë grupin max të invaliditetit një pacienteje E.P që e kërkonte dhe pretendonte se i takonte. Vetëm kjo si indicje a përbën një bazë për një akuzë të tillë? Po mua më lind e drejta të bëjë kundërdenoncim me të gjitha faktet dhe anën proceduriale për shpifje dhe dezintregim të figurës së mjekut?”,tha Koka. (S.SH/Shuplaka)
\
Discussion about this post