Banorët e fshatit Gërmenj të Rrogozhinë, kanë protestuar ditën e sotme pas tharjes totale që ka pësuar rezervuari i vaditjes, duke ju rrezikuar kulturat bujqësore.
Rezervuari i Okshtunit, i vetmi në këtë zonë është tharë, duke u shndërruar aktualisht në kënetë pa funksion. Shkak i kësaj situate, sipas tyre, është bërë heqja e portës së digës dhe dërgimi për riparim muaj më parë, ndërsa ende nuk është vendosur në punë, duke shkaktuar tharjen e këtij rezervuari dhe kthimin në djerrë për rreth 4 mijë hektarë tokë bujqësore .
Nuk është hera e parë që banorët e kësaj zone protestojnë për këtë problem, por pa gjetur ende një reagim nga instancat shtetërore. Ekonomia bazë e këtyre banorëve vjen nga bujqësia, ndërsa dhe e vetmja zgjidhje rrezikon prodhimet e e sivjetshme.
Banoret shprehen se do të dërgojnë përpara drejtësisë personat përgjegjës për këtë katastrofë të krijuar nga dora e njeriut . Mungesa e ujit për vaditje do të detyrojë dhjetëra fermerë të kësaj zone të lënë tokat e tyre djerrë, duke iu vështirësuar edhe më shumë jetesën e tyre. Fshati Gërmenj është përzgjedhur nga qeveria shqiptare si pjesë e projektit “100 Fshatrat” por ende në të nuk ka asnjë investim konkret.
