Ndërkohë që kanë kaluar 8 orë nga hapja e qendrave të votimit, referuar KQZ-së, numërohet më pak se 30% pjesëmarrje në rang vendi.
Nisur nga kjo pjesëmarrje e ulët deri tani, kryetari i Partisë Socialiste, Edi Rama, u është drejtuar me një apel shqiptarëve që të shprehin të drejtën e tyre për të votuar.
Duke e cilësuar një gabim mungesën, ai nuk lë pa thumbuar, duke iu kundërpërgjigjur ish-kreut të LSI-së. Në mesazhin për shqiptarët, Rama shkruan se “qentë le të lehin, karvani ecën përpara”.
Përmes një kërkese të shprehur shkurtimisht, ai u bën thirrje shqiptarëve që nuk ndodhen në Shqipëri që të “ngrenë telefonin dhe të marrin me vete familjarët të votojnë.”
“Kujtdo nga ju që s’është sot në Shqipëri i lutem. Ngri telefonin! Nxiti të votojnë familjarët fqinjët miqtë të njohurit e tu këtu në atdhe.”, shkruan kryeministri Rama në rrjetet sociale.
(XH.A/SHUPLAKA)
