Një ngjarje e rëndë flitet të jetë shënuar një ditë më parë në qytezën Gerlafingen të Kantonit Solothurn në Zvicër, ku një shtetas 54-vjeçar ka qëlluar me armë një 29-vjeçar, shtetas shqiptar, duke e lënë të plagosur.
“Ai është vetëdorëzuar në polici”, shkruan “20minuten.ch”. I plagosuri, shqiptar nga Maqedonia, është transportuar në spital për marrjen e ndihmës mjekësore ndërkohë që Prokuroria është duke zhvilluar hetimet mbi ngjarjen.
Referuar dëshmisë së një dëshmitareje, fqinje e familjes, bashkëshortja e të plagosurit e kishte mbajtur në krahë të shoqin e plagosur rëndë ndërsa babai i saj njëherazi vjehrri i viktimës e kishte njoftuar ambulancën dhe pastaj ishte dorëzuar policies.
Ndërsa një dëshmitare tjetër është shprehur se ka parë dy burra të prangosur që po merreshin nga policia, përcjell albinfo.ch. Flitet se nuk ka qenë vetëm vjehrri, por edhe vëllai i viktimës që jeton në të njëjtin kat të ndërtesë që është arrestuar. (XH.A/SHUPLAKA)
