Krimi në familje ka goditur sërish në vendin tonë. Ngjarja më e fundit vjen nga Kruja ku dy vëllezër pas konfliktit mes tyre, kanë nxjerrë sëpatat. Njëri prej tyre ka mbetur i plagosur dhe gjithckka mësohet të jetë bërë për kotive pronësie. Por pas kontrollit në banesë autorit përveç sëpatës i është gjetur edhe 2 kilogramë drogë e dyshuar si kanabis sativa.
Detajet e policisë.
Plagos vëllain me sopatë për motive pronësie. Arrestohet autori. Gjatë kontrollit në banesë sekuestrohen lëndë narkotike.
Specialistët e Seksionit për Hetimin e Narkotikëve në Drejtorinë Vendore të Policisë Durrës arrestuan në flagrancë shtetasin:
- Ramazan Ferra 55 vjeç, banues në fshatin Mefsheq Krujë.
Arrestimi I tij u bë pasi:
Më datë 28.01.2017, në fshatin Mefsheq, Krujë, për motive pronësie, ka qëlluar me sopatë, në krah, vëllain e tij, shtetasin G.F. 53 vjeç, banues në fshatin Mefsheq, Krujë.
Gjatë kontrollit të ushtruar në banesën e autorit u gjetën dhe sekuestruan në cilësinë e provave materiale:
- mjeti I kryerjes së veprës penale, sopata dhe
- rreth 2 kg lëndë narkotike e dyshuar e llojit Cannabis Sattiva.
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale” Plagosja e rëndë me dashje” dhe “Prodhimi dhe shitja e narkotikëve” parashikuar në nenet 88 dhe 283/1 të Kodit Penal.
Discussion about this post