Plagos me thikë 21-vjeçarin në Durrës pas konfliktit për një femër, arrestohet adoleshenti

Një 16 vjeçar në Durrës është arrestuar në flagrancë nga policia pasi ka plagosur një 21-vjeԭar pas një konflikti për një femër, raporton ‘Fax News’.

Ngjarja ka ndodhur në lagjen Nr.16, Durrës. Shtetasi i dëmtuar ndodhet në Spitalin Ushtarak Tiranë nën kujdesin e mjekëve. 16-vjeçari është nxënës i shkollës profesionale. Ngjarja është shënuar afër shkollës.

NJOFTIMI I POLICISË:

Plagos me thikë një shtetas për motive të dobëta, arrestohet në flagrancë autori.

Specialistët për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasin:

• S.S. 16 vjeç, banues në Durrës.

Shtetasi i mësipërm, më datë 23.01.2018, rreth orës 10:30 në lagjen Nr.16, Durrës, pas një konflikti për motive të dobëta ka plagosur me thikë shtetasin A.K. 21 vjeç, banues në Durrës.

Shtetasi i dëmtuar ndodhet në Spitalin Ushtarak Tiranë nën kujdesin e mjekëve.

Grupi hetimor ka sekuestruar në cilësinë e provës materiale mjetin prerës(thikë).

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Plagosja e rëndë me dashje” dhe “Prodhimit dhe mbajtjes pa leje të armëve të ftohta” parashikuar në nenet 88/1 dhe 279 të Kodit Penal. (B.H/Faxëeb)