Pasditen e djeshme në Elbasan ndodhi një sulm me armë në afërsi të ambjenteve të Gjykatës nga ku mbeti i plagosur një person. Nga polica ditën e sotme janë identifikuar autorët e dyshuar të cilët janë: E.Gj 40-vjeç, M.B-35 vjeç, F.L-27 vjeç, të gjithë banues në qytetin e Elbasanit.
Sipas policisë, i plagosur është shtetasi me iniciale D.P dhe ndodhet jashë rrezkut për jetën. 38-vjeçari ka marë një plumb në shpatull pasi është qëlluar me pistoletë.
Shtetasit e mësipërm në Lagjen “Aqif Pasha” përballë Gjykatës së Rrethit Gjyqësor Elbasan, në bashkëpunim me njëri – tjetrin dyshohen të kenë plagosur me armë zjarri (pistoletë) në shpatull 38 vjeçarin i cili ndodhet në spitalin Kirurgjik Elbasan, jashtë rrezikut për jetën.
38-vjeçari po qëndronte në një kafe afër gjykatës kur u qëllua mbrëmjen e djeshme.
Grupi hetimor në vendngjajre ka gjetur dhe sekuestruar në cilësinë e provës materiale, 1 gëzhojë armë zjarri model 54 dhe një predhë të kalibrit 7.62 mm
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vrasje me paramendim e mbetur në tentativë, kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”.
(J.V/Shuplaka)
