Gjykata e Shkodrës ka vendosur masën “arrest me burg” për 4 të arrestuarit për përplasjen me armë zjarri në qendër të Shkodrës.
Ension Buraku, Argjend Rexha, Riad Xheladini dhe Liridon Lusha, tentuan të vrisnin me pistoletë Mirsad Metën, tashmë i shpallur në kërkim nga policia e Shkodrës. Nga shkëmbimi i zjarrit në Pedonalen e Shkodrës mbeti e plagosur kalimtarja Liljana Jeremia.
Gjatë dëshmisë së dhënë në Gjykatën e Shkodrës Ension Buraka ka deklaruar se fillimisht ka qelluar ndaj tyre Mirsad Meta dhe ato i jane kundërpërgjigjur për vetëmbrojtje.
Ension Buraku, personi që së bashku me tre persona të tjerë Argjend Rexha nga Durrësi, Riad Xheladini nga Shkupi dhe Liridon Lusha nga Shkodra, kishin planifikuar ekzekutimin e Mirsad Meta.
Motivi i kësaj tentative vrasje, sipas dyshimeve të policisë dhe prokurorisë ka qenë marrëveshjet e tyre të mëparshme në Gjermani mes Mirsad Meta dhe Ension Buraku.
Por situata mes tyre është agravuar akoma dhe më tepër, kur në 26 janar 2020 në banesën e Ornela Buraka, efektive policie në Durrës dhe motra e Ension Buraka, ka shpërthyer një sasi tritoli, duke sjellë vetëm dëme materiale.
Ension Buraka ka dyshuar menjëherë se ky akt-kriminal është kryer nga kundërshtari i tij Mirsad Meta, në Shkodër.
Në rrëfimin që autori kryesor i këtij atentati Ension Buraku, ka treguar në polici versionin e tij duke marrë përsipër të gjithë ngjarjen dhe duke deklaruar se miqtë e tij nuk kishin dijeni pse ishin thirrur.
Buraku është shprehur në polici se:“…në 5 shkurt 2020, unë së bashku me shokët e mi, Argjend Rexha dhe Riad Gjeladini,të cilët i njoh prej disa kohësh, konkretisht Riadin e njoh në shtetin e Gjermanisë, kurse Argjendin e njoh në Shqipëri, i kam takuar në qytetin e Durrësit dhe gjatë bisedave, u shpreha dëshirën atyre që së bashku të pimë një kafe në qytetin e Shkodrës.”
