Plagoset me armë zjarri 22-vjeçari në Tiranë, nis hetimi për zbardhjen e ngjarjes

Një tentativë vrasje është shënuar mbrëmjen e djeshme në kryeqytet, ku ka mbetur i plagosur një shtetas.

Sulmi me armë zjarri ndodhi në orën 21:00 të 15 janarit në rrugën “Aleksandër Moisiu”. I plagosur mbeti shtetasi XH. K. 22 vjeç që ndodhet jashtë rrezikut për jetën.

“Më datë 15.01.2017, rreth orës 21:00, në rrugën “Aleksander Moisiu”, është plagosur me armë zjarri shtetasi Xh. K., 22 vjeç, i cili ndodhet jashtë rrezikut për jetën. Grupi hetimor po punon për identifikimin e autorit dhe sqarimin e rrethanave të ngjarjes.”, bëhet e ditur në njoftimin e policisë. (XH.A/SHUPLAKA)