Një plagosje me armë zjarri raportohet së fundmi të ketë ndodhur në zonën e ish-Bllokut në kryeqytet.
Nga të dhënat e deritanishme të Policisë së Tiranës, mësohet se ngjarja ka ndodhur rreth orës 04:35 në rrugën “Ismail Qemali” të Tiranës.
Mësohet se ka mbetur i plagosur përpara një pallati të zonës, shtetasi A. Aligjoni 31 vjeç, pronar i një lokali nate. Ai është dërguar menjëherë në spital, ku ndodhet jashtë rrezikut për jetën.
Grupi hetimor ka nisur hetimin për identifikimin e autorëve dhe zbardhjen e plotë të ngjarjes. Nga hetimet e deritanishme, dyshohet se shkak është bërë një akt i mëparshëm i Aligjonit. Para dy muajsh, ai plagosi me thikë një djalë nga Kamza.
“Më datë 14.01.2017, rreth orës 04:35, në rrugën Ismail Qemali, në zonën e ish bllokut, është plagosur me armë zjarri, në pjesën e kofshës, shtetasi A. A., 31 vjeç, i cili ndodhet jashtë rrezikur për jetën. Grupi hetimor po punon për identifikimin e autorëve të kësaj vepre kriminale.”, bëjet me dije nga policia (XH.A/SHUPLAKA)
