Policia e Durrësit ka arrestuar mbrëmjen e djeshme dy autorët e plagosjes së 42-vjeçarit në ambientet e një lokali në këtë qytet. A.K 36-vjeç dhe E.P 22 vjeç, janë dy të arrestuarit të cilët lanë të plagosur me thikë 42-vjeçarin. Autorët e plagosjes kanë lidhje farefisnore pasi janë dajë dhe nip.
Sipas policisë H.K ka qënë thjesht viktimë pasi në konflikt ishin dy të arrestuarit me pronarin e lokalit. Viktima ka ndërhyrë për të qetësuar sherrin që lindi midis tyre, ku ka ngelur i plagosur. Shkak për sherrin midis autorëve dhe pronarit të lokalit mendohet të jetë një borxh i pashlyer. Policia po vazhdon hetimet për këtë cështje.
