Një ngjarje e rëndë ka ndodhur në Roskovec pasi burri 56-vjeçar ka goditur me thikë bashkëshorten e tij e cila ndodhet në Spitalin Rajonal Fier nën kujdesin e mjekëve, momentalisht në reanimacion.
”Shuplaka” mëson se identiteti i autorit të krimit është Shefit Hitallari. Ky i fundit njihej në zonë si një person problematik dhe që konsumonte alkool. Çifti kishte një vajzë dhe dy djem, ndërsa fqinjët thonë se Shefiti grindej dhe me familjarë të tjerë.
DETAJE:
Në datën 27.09.2017, rreth orës 10:45, në lagjen Nr.2 Roskovec, shtetasi Shefit H., 56 vjeç, ka goditur me thikë bashkëshorten e tij shtetasen L.H, 53 vjeçe, e cila ndodhet në Spitalin Rajonal Fier nën kujdesin e mjekëve, momentalisht jashtë rrezikut për jetën.
Shtetasi Shefit H. ndodhet në Stacionin e Policisë Roskovec dhe po kryhen veprimet proceduriale për arrestimin në flagrancë të tij. Grupi hetimor po punon për zbardhjen e shkaqeve dhe rrethanave të kësaj ngjarje. (J.V/Shuplaka)
Discussion about this post