Në prangat e policisë së Lushnjës ka rënë një 32-vjeçar, Arion Canaj pasi ka plagosur me armë zjarri 29-vjeçarin me në fshatin Pluk për motive të dobta.
29-vjeçari ndodhet jashtë rrezikut për jetën në spitalin e Lushnjës.
Po kështu është shpallur në kërkim edhe një 33-vjeçar pasi pas veprimeve të kryera nga Arion Canaj, i ka marrë këtij të fundit armën e zjarit, ka gjuajtur në ajër dhe është larguar në drejtim të paditur duke marrë me vete edhe armën e krimit.
DETAJE:
Specialistët për Hetimin e Krimeve të Rënda në Komisariatin e Policisë Lushnje, bënë arrestimin në flagrancë të shtetasit: -Arion Canaj, 32 vjeç, banues në Pluk, Lushnje. Arrestimi i këtij shtetasi u bë pasi është autor i dyshuar për kryerjen e veprave penale “Vrasja me dashje” mbetur në tentativë si dhe “Mbajtja pa leje e armeve luftarake dhe monicionit” parashikur nga nenet 76,22 dhe 278 të Kodit Penal.
Në datën 02.10.2017, rreth orës 00:30, në fshatin Pluk, Lushnje, shtetasi Arion Canaj, për motive të dobëta ka plagosur me armë zjarri shtetasin A.Z, 29 vjeç, banues në Pluk, Lushnje. Shtetasi i plagosur A.Z, ndodhet në Spitalin e Lushnjes nën kujdesin e mjekëve.
Gjithashtu është bërë shpallja në kërkim policor dhe po punohet për kapjen e shtetasit: -L.D, 33 vjeç, si autor i dyshuar për kryerjen e veprave penale “Kanosja”, “Prishja e rendit dhe qetësisë publike”, ”Mbajtja pa leje e armëve luftarake dhe monicionit” si dhe “Veprime që pengojnë zbulimin e së vërtetës” parashikuar nga Nenet 84, 274, 278 e 301 të Kodit Penal.
Konkretisht, ky shtetas në datën 02.10.2017, rreth orës 00:30, në fshatin Pluk, Lushnje, pas veprimeve të kryera nga shtetasi Arion Canaj, i ka marrë këtij të fundit armën e zjarit, ka gjuajtur në ajër dhe është larguar në drejtim të paditur duke marrë me vete edhe armën e krimit. Materialet proceduriale në ngarkim të këtyre shtetasve i kaluan për veprime të mëtejshme Prokurorisë pranë Gjykatës së Shkallës së Parë Lushnje. (J.V/Shuplaka)
Discussion about this post