Një sherr brenda familjes, e ndodhur në Tiranë, te zona e “Unazës së Re”ka shkaktuar tre të plagosur.
Autori ka goditur vjehrrën në bark me thikë dhe në krah kunatin dhe vjehrrin dhe më pas është larguar menjëherë nga vendngjarja dhe po kërkohet nga Policia.
NJOFTIMI I POLICISË:
Më datë 21.12.2016, rreth orës 20:30, në Unazë të Re, shtetasi M. L., ish-dhëndri i familjes, pas një konflikti për motive të dobëta, ka goditur me mjete prerëse, ish vjehrrin P. K., ish vjehrrën Q. K. dhe ish kunatin A. K. të cilët ndodhen nën kujdesin e mjekëve jashtë rrezikut për jetën.
Nga hetimet paraprake dyshohet se shkak i këtij konflikti është çështja e divorcit. Punohet për kapjen e autorit dhe sqarimin e rrethanave të ngjarjes. (A.R/SHUPLAKA)
