Plagosi një person në Laç dhe u largua, arrestohet Xhevahir Lika

Policia ka vënë në pranga Xhevahir Likën, autorin e plagosjes së djeshme në qytetin e Laçit, ku mbeti i plagosur shtetasi Gent Bushi.

Fax News raporton se ngjarja ndodhi ditën e kaluar pas një konflikti me armë zjarri e me sende të forta mes dy personave të mësipërm.

Mësohet s ekonflikti filloi pranë shkollës 9-vjeçare “Trokthi”, në Laç.

Menjëherë pas plagosjes Lika u largua nga vendngjarja, duke e lënë Bushin të plagosur.

Policia u vu në ndjekje të autorit, Xhevahir Likës nga Gjormi, Laç dhe u arrestua para pak çastesh.

NJOFTIMI I POLICISE

Kapet dhe ndalohet shtetasi që dyshohet se qëlloi me armë zjarri në ajër pas një konflikti me një shtetas tjetër mbrëmjen e djeshme në qytetin e Laçit.

Policia e Kurbinit, si rezultat i reagimit në kohë dhe veprimeve profesionale të kryera , brenda pak orëve pasi ndodhi ngjarja bëri identifikimin, kapjen dhe arrestimin e shtetasit:

-Xhevahir Agolli (Lika), 23 vjeç, banues në Gjorme-Kurbin.

Kapja dhe arrestimi i këtij shtetasi u bë pasi më datën 17.02.2018, rreth orë 17.30, në qytetin e Laçit, është konfliktuar me shtetasin E.B., 39 vjeç, banues në Kurbin, duke e goditur me sende të forta dhe më pas dyshohet se ka qëlluar me armë zjarri në ajër dhe është larguar menjëherë nga vendngjarja.

Në vijim të veprimeve, është bërë shpallja në kërkim e shtetasit E.B, i cili pas konfliktit është larguar dhe fshehur duke ju shmangur kallëzimit të krimit. Materialet proceduriale do t’i kalojnë Prokurorisë pranë Gjykatës së Shkallës parë Kurbin për veprat penale “Kanosja” dhe “Mbajtja pa leje dhe prodhimi i armëve shpërthyese dhe municionit”, të parashikuar nga nenet 84 dhe 278/1 të Kodit Penal, në ngarkim të këtyre shtetasve.

(F.M/Faxweb)