Plagosi rëndë prindërit dhe ja mbathi nga banesa, kush është 25-vjeçari që po kërkohet nga Policia e Durrësit (Emrat)

Një ngjarje e rëndë ka tronditur Durrësin pak minuta më parë, ku një 25-vjeçar i identifikuar si Hajri Neziri ka goditur me thikë prindërit e tij.

Ngjarja ka ndodhur në banesën e tyre, ndërkohë që dy personat e mbetur të plagosur janë identifikuar si Destan dhe Hasije Neziri,.

I riu ka mundur që tia mbathë nga banesa pas ngjarjes, ndërsa Policia e Durrësit është vënë në kërkim të tij.

Policia njofton: Më datë 20.06.2018, rreth orës 14 : 45, në lagjen Nr.17/1 shtetasi H.N. 25 vjeç ka goditur me thikë prindërit e tij, shtetasit D.N. 75 vjeç dhe A.N. 64 vjeçe,  të cilët ndodhen në Reanimacion në Spitalin Rajonal Durrës nën kujdesin e mjekëve.

Grupi hetimor po punon për kapjen e autorit dhe sqarimin e rrethanave të ngjarjes.

(E.K/FAXWEB.AL)