Plagosja e 77-vjeçarit gjatë aksionit të RENEA-s në Divjakë, flasin mjekët: Kishte plagë në kokë, nuk gjetëm plumb

Mjekët në spitalin e Traumës në Tiranë kanë reaguar për gjendjen e 77-vjeçarit Haxhi Lika i cili mbeti i plagosur gjatë një aksioni të forcave RENEA në Divjakë.

Sipas mjekëve Lika kishte plagë në kokë dhe nuk i gjëtën plumb.

“Haxhi Lika kishte vetëm plagë në kokë, nuk i gjetëm plumb. Do ta përcaktojë mjeku Ligjor se si është plagosur. Gjendja e tij është stabilizuar.”

Ndryshe nga policia e cila deklaroi se Lika ka mbetur i plagosur në rrethana të paqarta, familjarët pretendojnë se forcat RENEA qëlluan kur ai ishte në gjumë me plumb në kokë.

Gjatë ditës së djeshme gjatë një aksioni të forcave RENEA për arrestimin e dy të dënuarve për vrasje në fashtin Rremas të Divjakës mbeti i plagosur 77-vjeçari Haxhi Lika. Sipas policisë në banesën e Likës dyshohej se fshiheshin dy të arratisurit.

(M.Q/Faxweb)