Autori i plagosjes së 51-vjeçarit Martin Prenga mbrëmjen e së premtes në zonen e Fanit në Mirditë, do të qëndrojë në burg. Florian Gjoka u njoh me masen e sigurisë ne Gjykatën e Lezhës.
Në seancën gjyqësore të zhvilluar me dyer te mbyllura, pasi dëgjoi palet gjyqtari Artan Hajredinaj e cilësoi te ligjishem arrestimin e 21-vjeçarit dhe vendosi ndaj tij masen e sigurisë “Arrest në burg” pa afat për veprat penale “Vrasja me paramendim” e mbetur në tentativë dhe “Prodhimi dhe mbajtja pa leje e armëve luftarake dhe municionit”.
Florian Gjoka qëlloi 5 herë me pistoletë bashkëfshatarin e tij Martin Prenga, duke e lënë të plagosur në këmbë, ndërsa u transportua drejt spitalit të Traumës për ndihmë mjekësore.
Ngjarja ndodhi rreth orës 22:00 mbrëmjen e së premtes në një pikë karburanti në autostradën Milot-Kukës, pranë zonës së Fanit në Mirditë.
Menjëherë pas ngjarjes, policia arriti të identifikonte autorin, duke e vënë në pranga disa orë më vonë, ndërsa u procedua penalisht dhe vëllai i tij binjak Altin Gjoka, i cili e kishte ndihmuar të largohet dhe të fshihet.
Nga hetimet rezulton se ngjarja ka ndodhur pas konflikteve të hershme që kishin pasur dy bashkëfshatarët, për motive ende të paqarta.
Discussion about this post