Një ngjarje e rëndë ka ndodhur orët e para të mëngjesit të sotëm në fshatin Beltojë të Shkodrës. Pas një konflikti në lokal dhe më pas në ambjentet e jashtme ka mbetur i plagosur rëndë një 21-vjeçar.
Nga ajo që mëson ‘’Shuplaka” gjendja e personit të plagosur është mjaft e rëndë, dhe gjendet në reanimacionin e spitalit të qytetit.
Përveç plagëve të marra nga arma, i riu ka dhë trauma të tjera në trupë të shkaktuara nga përleshja fizike që ka pasur me autorët e plagosjes.
Ende nuk ka një konfirmim nga ana e Policisë për emrat apo emrin e personave të dyshuar që kanë lidhje me ngjarjen, ndërsa disa persona janë shoqëruar në Polici.
Në vendgjarje ndodhen shërbimet e policisë dhe grupi hetimorë për sqarimin e rrethanave të ngjarjes, ndërsa në fotot që do të shihni më poshtë shfaqet dhe vendi ku ka ndodhur plagosja. Sjellim në vëmendje se sherri ka nisur në ambjentet e brendshme të një lokali dhe më pas është zhvilluar në ambjentet e jashtme të tij.
(E.K/SHUPLAKA)
