Ministria e Mbrojtjes ka reaguar lidhur me lajmin e plagosjes së një ushtarakeje në Laboratorin Kimik të Forcave të Armatosura.
Në reagimin e saj, Ministria e Mbrojtjes deklaron se nuk bëhet fjalë për një incident të rëndë, por thjesht një incident që nuk i ka rrezikuar në asnjë moment jetën ushtarakes, të cilës i është dhënë ndihma e nevojshme.
“Në datën 9 dhjetor, në ambientet e Laboratorit Kimik të FA-ve është thyer ena prej qelqi me kimikate me të cilën po punonte ushtarakja, Brunilda Sallaku, e cila ka patur vetëm disa dëmtime shumë të lehta. I është dhënë ndihma e parë në vend dhe menjëherë është transportuar në spital ku ka marrë githë ndihmën e nevojshme. Aktualisht është jashtë spitalit, pa asnjë shenjë dhe s’ka kërkuar asnjë moment të trajtohet jashtë Shqipërisë sepse dëmtimi ka qenë shumë i lehtë.”, janë shprehur për “Balkanweb” burime të ministrisë.
Ky reagim vjen pas lajmit që ka qarkulluar nëpër disa medie, të cilat shkruajtën se ushtarakes Brunilda Sallaku që mbeti e plagosur gjatë procesit të asgjësimit të disa kimikateve të rrezikshme, iu refuzua dërgimi për kurim të specializuar jashtë vendit nga frika e dekonspirimit të lajmit. (XH.A/SHUPLAKA)
Discussion about this post