Plagosja mbrëmjen e djeshme në Shkodër, arrestohet i riu që qëlloi me thikë 16-vjeçarin

Një plagosje me thikë ka ndodhur mbrëmjen e djeshme tek zona e Dollarit në Shkodër, ku mbeti i plagosur Kledis Smajli, 16-vjeç.

Disa persona gjatë një konflikti për motive të dobëta kanë goditur me mjet prerës 16-vjeçarin, i cili ndodhet në Spitalin Rajonal Shkodër.

Në pranga ka rënë autori i dyshuar i plagosjes shtetasi B. Gj., 17 vjeç, ndërsa ndiqet në gjendje të lirë shtetasi A. R. 19 vjeç.

NJOFTIMI I POLICISË:

Më datë 19.09.2019, ora 20:00, në lagjen “Vasil Shanto”, Shkodër, disa persona gjatë një konflikti për motive të dobëta kanë goditur me mjet prerës shtetasin K. S. vjeç 16, banues në lagjen Partizani, Shkodër, i cili ndodhet në Spitalin Rajonal Shkodër.

Falë reagimit të shpejtë të forcave të policisë është identifikuar dhe kapur autori i dyshuar i plagosjes, shtetasi B. Gj., 17 vjeç, banues në lagjen “Mark Lula”, Shkodër, i cili u arrestua për veprën penale “Plagosja e rëndë me dashje”.

Si dhe ndiqet në gjendje të lirë shtetasi A. R. 19 vjeç, banues në lagjen “Skënderbeg”, Shkodër.

Këto shtetas gjatë ditës së djeshme ishin konfliktuar me shtetasin K. S. në ambjentet e shkollës dhe më pas gjatë mbrëmjes kanë komunikuar me telefon dhe janë takuar në lagjen “Vasil Shanto”. Ata janë konfliktuar fizikisht e më pas shtetasi B. Gj. ka nxjerrë një mjet të fortë, me të cilin ka goditur disa herë shtetasin K. S. në këmbë dhe brinjë.”

Materialet iu referuan Prokurorisë së Rrethit Gjyqësor Shkodër për veprime të mëtejshme.

(K.H/Faxweb.al)