Një ngjarje e rëndë ka tronditur zonën e Matit pasditen e sotme ku në fshatin Fshat të Klosit një 68-vjeçar është qëlluar brenda banesës së tij me armë zjarri e për pasojë ka mbetur i plagosur rëndë.
Mësohet se i moshuari që ka mbetur i plagosur është Gëzim Zhuku, ndërsa Policia ka hedhur dyshimet se plagosja ka ndodhur me armë gjahu por ende nuk bëhen të ditura rrethanat.
Ndërkohë, 68-vjeçari është nisur me urgjencë drejt Spitalit Ushtarak në Tiranë pasi gjendja e tij shëndetësore paraqitet e rëndë.
Nuk dihet nëse ngjarja ka qenë aksidentale apo e qëllimshme ndërsa grupi hetimor ka mbërritur në vendngjarje për të zbuluar shkaqet dhe rrethanat e saj.
(F.GJ/FAXWEB.AL)
