Policia e Tiranës ka dhënë njoftimin zyrtar për plagosjen me armë zjarri të ndodhur në Allias të Tiranës. Sipas policisë, shtetasit e plagosur janë P. L. Dhe A. L..
Ata janë dërguar me urgjencë në Spitalin e Traumës, por mësohet se janë në gjendje të rëndë shëndetësore. Burri mësohet të jetë i moshës 60-vjeçare dhe sipas burimeve nga Spitali i Traumës, ai ka një plagë në bark.
Ka disa pista hetimi nga ana e policisë, ku nuk përjashtohet konflikti mes bashkëshortëve apo edhe një plagosje.
Gazetari i “FaxNews”, Sokol Dema raporton se çifti merrej me tregti dhe se kanë një vilë.
“Rreth orës 21:40 në rrugën “Njazi Meka”, në rrethana ende të paqarta janë plagosur me armë zjarri çifti i bashkëshortëve shtetasit P. L dhe A.L, të cilët u dërguan në spital për ndihmë mjeksore. Grupi hetimor vijon punën pēr sqarimin e mëtejshëm të rrethanave të ngjarjes”, njoftoi Policia e Tiranës. Ngjarja ka ndodhur brenda banesës së çiftit që ndodhet në rrugën “Njazi Meka”.
