Përmes Luan Ramës, Lëvizja Socialiste për Integrim, ka reaguar ndaj rastit të dhunës të ushtruar ndaj simpatizantit në Shëngjin, të identifikuar si Florian Dushku, i cili flitet se u qëllua me tytën e armës, “teksa ishte në punën e tij”, siç shprehet Rama.
Në konferencën për shtyp, Luan Rama deklaroi se ky nuk është rasti i parë dhe përgjegjësia bie mbi kryeministrin e vendit dhe kreun e Policisë së Shtetit, Haki Çako. Ai u bëri thirrje qytetarëve që t’i shmangen këtyre tentativave dhe të mos tremben nga kriminelët me uniformë polici ose jo, me post kryeministri ose jo.
“Një ngjarje e rëndë kriminale ka ndodhur në Shëngjin ku para pak çastesh një aktivist i LSI-së është qëlluar nga tre persona të armatosur të përbërë nga Rilindasit që prej javësh veprojnë në atë qark. Florian Dushku ka qenë në punën e vet dhe është plagosur nga ata që Rilindja i ka klonuar që t’i përdorë në fushatë dhe sot. Është rasti i tretë që mbështetës të LSI-së dhunohen.
Ky nuk është rasti i parë. Ashtu siç ka ndodhur deri më sot, për çdo pikë gjaku të derdhur në Lezhë apo qytet tjetër, bie përgjegjësi e drejtpërdrejtë mbi kryeministrin dhe kreun e Policisë së Shtetit, Haki Çako. Ia kërkoi ministri i Brendshëm të shkarkojë në qarkun e Lezhës por nuk ka pranuar.
Kanë një polici që i pret në besë dhe nxit kriminelët të vrasë. U bëj thirrje qytetarëve t’i shmangen, me qetësi, maturi, dashuri, e përgjegjësi për atdheun, të votojnë kundër kësaj kaste që i vret njerëzit. Siç ndodhi edhe dje në Kashar… Asnjë kriminel, asnjë bandit, me uniformë polici apo pa uniformë, me post kryeministri ose jo, nuk do i trembë dhe nuk do i ndalë qytetarët shqiptarë për të shprehur vullnetin e tyre.”, deklaroi ndër të tjera Luan Rama.
(XH.A/SHUPLAKA)
Discussion about this post