Ka reaguar Policia e Lezhës në lidhje me konfliktin e ndodhur në Lezhë mes miltantëve. Sipas Policisë së Lezhës në Spital nuk ka asnjë person që ka mbërritur dhe se në vendin e ngjarjes është gjetur vetëm një gëzhojë.
Pavarësisht se ka pasur të shtëna sipas Policisë ky ishte një konflikt i çastit.
Lezhë, Informacion paraprak:
Me datë 25.06.2017, rreth orës 10:15 është marrë njoftim se në rrugën kryesore midis shkolles 9- vjeçare Shëngjin dhe lokal “Restorant Detari” në Shëngjin ka patur të shtëna me armë zjarri.
Menjëherë në vendngjarje kanë mbërritur shërbimet policore ku nga kqyrja e vendit të ngjarjes është gjetur dhe sekuestruar 1 gëzhojë.
Tek spitali nuk ka mbërritur asnjë person për ndihmë mjekësore. Nga hetimet paraprake dyshohet se konflikti ka qenë i çastit midis shtetasit F.D. 27 vjeç, dhe personave të tjerë për të cilët po punohet për identifikimin e tyre.
Në bashkëpunim dhe koordinim me Prokurorinë e Rrethit Gjyqësor Lezhë , vazhdojnë hetimet për zbardhjen e motiveve dhe rrethanave të ngjarjes. Proçesi i votimit vijon normalisht.
Discussion about this post