Janë zbuluar autorët e plasgosjes së ndodhur mesditën e sotmë në Shkodër. Burime për Fax ëeb.al bëjnë me dije se autorët e plagosjes së 38-vjeçarit Vat Shpati janë vëllezërit Aleks dhe Luigj Martini. Ngjarja ndodhi në lagjen “Mark Luka” në Shkodër.
I plagosuri është dërguar me urgjencë në spital, dhe nuk dihet ende gjendja e tij, ndërsa policia është vënë në ndjekje të autorëve dhe i ka shpallur ata në kërkim.
Nuk dihen ende rrethanat e kësaj ngjarje të ndodhur në Shkodër, por ajo që vlen të theksohet është se vetëm gjatë ditës së sotme janë vrarë në pritë dy persona, dhe një tjetër ka mbetur i plagosur.
Njoftimi i policisë:
Më datë 12.08.2019, në lagjen “Mark Lula” Shkodër, pas një konflikti të çastit për motive të dobëta, është plagosur me thikë shtetasi V.Sh, 38 vjeç banues në Shkodër, i cili ndodhet në Spitalin Rajonal Shkodër, për ndihmë mjeksore.
Grupi hetimor ka bërë identifikimin dhe shpalljen në kërkim të autorëve të dyshuar, dy vëllezrit A. M. dhe L. M., banues në Shkodër dhe po punohet intensivisht për kapjen e tyre.
Vijon puna për sqarimin e rrethanave të kësaj ngjarje
E hëna nisi e gjetjen e trupit të pajetë të Florian Selimit në Fier, ku dyshohet se 23 vjeçari u qëllua me thikë dhe më pas u hodh në kanal.
Pas kësaj, në mesditë në qytetin e Rrëshenit u vra me armë zjarri në sy të fëmijëve 48-vjeçari Armando (Tonin) Gjini, me precedentë të mëparshëm penalë.
(E.K/Faxëeb.al)
