Plagosje në Shkodër, i riu qëllohet 4 herë me thikë (EMRI)

Një ngjarje e rëndë është regjistruar në qytetin e Shkodrës pranë Shkollës Pyjore ku një person është plagosur.

Burime për ‘Fax News’ bëjnë me dije se i plagosuri është Niko Podja, rreth 20 vjeç dhe  ka marrë 4 plagë në trup si pasojë e goditjes me thikë.

Autori i sulmit është Haus Zef Pali i cili është ende në kërkim. Nuk dihet ende gjendja shëndetësore e të plagusurit si dhe motivi i konfliktit . Policia në vendin e ngjarjes.

Njoftimi i policisë:

Shkodër

Informacion Paraprak

Më datë 03.12.2018, rreth orës 15:45, pranë shkollës Pyjore, në lagjen “Tre Heronjt”, Shkodër, në rrethana ende të paqarta është plagosur me mjet prerës (thikë) shtetasi N. P., rreth 20 vjeç, banues në lagjen Tre Heronjt, Shkodër, i cili është dërguar në Spitalin Rajonal Shkodër në gjendje të rëndë .

Menjëherë në vendngjarje kanë shkuar shërbimet e Policisë, ku kanë identifikuar autorin e dyshuar shtetasin F. P, 27 vjeç, banues në Shkodër dhe po punohet për kapjen e tij

Grupi hetimor po punon për sqarimin e plotë të rrethanave të ngjarjes.

(B.H/Faxweb)