Marino Tripodi 73 vjeç, është italiani i arrestuar nga policia pasi qëlloi me armë ndaj dy vëllezërve shqiptarë, të identifikuar si Mario dhe Altin Boçi.
Në dëshminë e tij në polici, i ndaluar për “Tentativë vrasje”, i moshuari italian ka shpjeguar se sherri ka ndodhur jashtë ndërtesës ku jetonin të moshuarit italianë dhe qiramarrësit shqiptarë. Ai ka shpjeguar se grindja lindi nga qiraja e vonuar dhe kërcënimet e shqiptarëve: “Plak m*** do të bëjmë copë dhe do të hedhim në koshin e plehrave”.
“Ikni se nuk i dua as paratë”, u ka thënë i moshuari dy shqiptarëve që e fyenin, për të cilët është shprehur se nuk i kishin paguar qiranë prej 8 muajsh. Por kjo dëshmi është hedhur poshtë nga Mario Boçi, 35-vjeçari që mbeti i plagosur në krah.
“Po çfarë qiraje? Atij njeriu nuk i detyrohem asgjë, pasi jetoj diku tjetër me familjen time. Aty ku jetoj e kam paguar gjithmonë qiranë. Isha në atë vend me vëllain tim për të përshëndetur një person. Familja ime është e respektueshme. Unë nuk i detyrohem asgjë atij burri. Jam një person i respektueshëm, ashtu si edhe gruaja ime. Ne nuk kemi të bëjmë fare me atë person.”, ka thënë Mario Boçi. (XH.A/SHUPLAKA)
[ngg_images source=”galleries” container_ids=”893″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post