Stina e verës nuk ka shumë që ka nisur, e ndërkaq shumë prej nesh nuk kanë nisur pushimet. Këto rreth tri javë të Qershorit janë karakterizuar me temperature të larta, e ku pavarësisht ndonjë rënie të lehtë apo erës, moti ka qenë i qëndrueshëm.
Për të gjithë ata që duan të dinë se si do të jetë moti në këto ditë të mbetura të këtij muaji, por edhe përgjatë Korrikut dhe Gushtit, mësohet se Qershori dhe Korriku do karakterizohen nga një rritje temperaturash në vlerën 2-3 gradë Celsius mbi mesataren, ndërsa Gushti do jetë shumë pranë vlerave mesatare tipike sa i përket reshjeve dhe temperaturave.
Pra Vera 2017 do të përmbyllet si verë tipike mesdhetare.
“NE TERMA AFATGJATE parashikohet që: Qershor – Korrik 2017 të jenë 2 – 3°C mbi temperaturat mesatare shumëvjecare të muajve respektivë, më e theksuar kjo anomali pritet të jetë në zonat verilindore – juglindore.
Përsa i përket reshjeve, të dy muajt parashikohet të qëndrojnë në normat respektive mujore të reshjeve për pjesën më të madhe të vendit, zonat verilindore dhe juglindore më të lagështa. Muaji Gusht 2017, do të jetë shumë pranë vlerave mesatare shumëvjecare si nga pikëpamja e reshjeve ashtu dhe nga ajo e temperaturave.
Vera 2017 do te permbyllet si TIPIKE MESDHETARE ku temperaturat e larta do te shoqerohen me thatesire (kjo nuk perjashton rrezikun e ngjarjeve me shi ekstrem, deri ne fund te stines).”, bën me dije “Meteoalb”.
(XH.A/SHUPLAKA)
Discussion about this post