Një zhvillim i rëndësishëm ky i ditës së sotme. Një nga ministrat më të rëndësishëm të qeverisë, ai i Punëve të Brendshme Saimir Tahiri ka dhënë sot dorëheqjen dhe pritet ta zëvendësojë Niko Peleshi.
Por, sipas burimeve, Rama ka në plan që të largojë edhe disa ministra të tjerë, të cilët planifikohen të jenë në ndjekje të zgjedhjeve në qarqe.
Nuk dihet sa do t’i përmbahet Rama këtij plani, por emrat e përfolur janë:
1.Bledi Çuçi, ministër Shteti për Çështjet Vendore- në Gjirokastër.
2.Mimi Kodheli, ministër i Mbrojtjes- në Dibër
3.Ilir Beqaj, ministër i Shëndetësisë-Në Kukës
4.Damian Gjiknuri, ministër i Energjisë dhe Industrisë – në Vlorë
Po kështu Niko Peleshi (zv.kryeministër) do të merret me zgjedhjet në Korçë, Lindita Nikolla (ministër i Arsimit dhe Sporteve) me zgjedhjet në Lezhë, Ditmir Bushati (ministër i Punëve të Jashtme) me zgjedhjet në Shkodër dhe Blendi Klosi (ministër i Mirëqënies Sociale dhe Rinisë) në Berat. Peleshi u përfol se do të zëvendësojë Tahirin, por nuk dihet se cila do jetë lëvizja e Ramës për një nga ministritë më delikate në qeveri. (V.G/SHUPLAKA)
Discussion about this post