Këshilltarët e LSI-së kërkojnë seancë të hapur në mbledhjen e fundit të vitit, ndërkohë që në të pritet miratimi i dy vendimeve të rëndësishme, miratimi i buxhetit dhe plani Urbanistik i Tiranës nga Këshilli Bashkiak i Tiranës.
Grupi i këshilltarëve të LSI propozuan që sot që të mbahet një seancë e hapur për Planin Urbanistik në këtë këshill.
“Kërkojmë që seanca të jetë e hapur opinionin publik, të ftohet shoqëria civile të jetë e pranishme në mbledhje dhe seanca e sotme të kthehet në dëgjesë publike për Planin Urbanistik. Të ftohen grupet e interesit të shprehin mendimet dhe opinionet e tyre”, u shprehën ata.
Po kështu këshilltarët deklaruan se transparenca është shumë e rëndësishme, ndaj çdo qytetar duhet të jetë i qartë për vendimet që merren.
“Do të rrimë këtu edhe 30 orë me qëllim që të gjithë të sqarohen dhe te jemi të qartë në vendimmarrje. Vota që kemi marrë është e qytetarëve të Tiranës, jemi këtu për të dëgjuar çdo qytetar, për të mbrojtur çdo shqetësim qe vjen nga qytetarët e Tiranes”, tha këshilltari Braimllari. (J.V/Shuplaka)
