Një sulm i llahtarshëm ishte parashikuar të kryhej në 27-vjetorin e masakrës në një shkollë në Montreal. Fatmirësisht, policia arriti të ndalë në kohë të riun kanadez.
Mbi 17-vjeçarin që për shkak të moshës nuk i është bërë i ditur identiteti, rëndojnë akuza të rënda si “kërcënim me jetë” dhe “lidhje terroriste”.
Burime të policisë kanë bërë me dije se atij iu gjetën dhe sekuestruan një hanxhar, dy shpata, katër thika dhe disa shigjeta. Ata deklaruan se kishin rënë në gjurmët e këtij “kërcënimi potencial” që javën e kaluar.
Adoleshenti dyshohej se do të kryente masakër në një shkollë më 6 dhjetor. Kjo datë ka qenë famëkeqe në Kanada që nga 6 dhjetori i 1989-ës, kur një i armatosur, i identifikuar si Marc Lepine, sulmoi shkollën e Inxhinerisë dhe vrau 14 gra.
Discussion about this post