Autoritetet e siguirisë franceze kanë njoftuar se kanë arrestuar një 23 vjeçar pasi dyshohet se kishte për qëllim të kryente një sulm ndaj presidentit francez, Emmanuel Macron.
Një përfaqësues i zyrës së prokurorit francez tha se motivet e të riut të arrestuar janë ende të paqarta.
Zëdhënësja e zyrës së prokurorit të Parisit, Agnes Thibault-Lecuivre, tha të hënën se planet e të dyshuarit ishin të paqarta dhe ende nuk ishin finalizuar por shtoi se ai dukej se do të vepronte i vetëm.
Ajo tha se i riu u arrestua të enjten dhe i tha policisë për një plan të mundshëm për të sulmuar Macron në Ditën e Bastijës më 14 korrik dhe shprehu pikëpamjet nacionaliste.
Theksojmë se Macron do të marrë pjesë në një paradë ushtarake në Paris në Ditën e Bastijës së bashku me Presidentin Donald Trump. (E.K/SHUPLAKA)
