Gjykata e Durrësit ka lënë në fuqi masën “arrest me burg” për shtetasit Aldi Mustafa dhe Klevis Kurdiu të cilët u kapën mbrëmjen e 30 shtatorit.
Kujtojmë se më herët, në muajin prill, ndaj Aldi Mustafës iu vendos lëndë plasëse në automjetin e tij, ku për fat nuk pati të lënduar.
Sakaq, mësohet se shtetasi Mustafa nuk i është bindur policisë për arrestimin pak ditë më parë, akuzë e cila rëndoi ndaj tij gjatë vendimarrjes në gjykatë.
Nga burimet hetimore bëhet me dije se Aldi ishte duke përgatitur terrenin për të kryer një vrasje me armët të cilat iu gjetën gjatë kontrollit.
Mendohet se atentati të ketë të bëjë me personat e përfshirë në vendosjen e lëndës plasëse ndaj shtetasit Mustafa, ndërkohë që për arsye hetimore nuk është dhënë asnjë e dhënë në lidhje me emrat e objektivave.
Sakaq më herët Mustafa ka qenë i arrestuar bashkë me dy persona të tjerë për atentat, por që më pas u la i lirë për mungesë provash materiale ndaj tij, ndërkohë që policia asokohe deklaroi se u parandalua një atentat i porositur si vrasje me pagesë, ndaj një shtetasi të dhënat e te cilit nuk u bënë të ditura.
Pritet që në vijim për DVP Durrës të dhënat e grumbulluara nga hetimet të qartësojnë detajet, shkaqet dhe autorët e përfshirë në ngjarjet e mëhershme dhe te parandaluara.
Discussion about this post