Detaje të tjera janë zbardhur nga plagosja e shënuar mbrëmjen e djeshme në Vlorë. Mëngjesin e sotëm u bë me dije identiteti i autorit, Edison Aliko, i cili qëlloi me armë zjarri në zonën e “Kalit të Trojës”, por fatmirësisht pa viktima në njerëz.
Tre personat që mbetën të plagosur janë dy vëllezërit Marsel dhe Zhaver Shenko dhe 18-vjeçari Flavio Kamberaj, i cili mbeti i plagosur rastësisht.
Referuar një portali online mësohet se babai i dy vëllezërve ka zbardhur një konflikt mes tre personave, që mendohet të jetë shkaku i plagosjes së djeshme.
Sipas tij, i vetmi konflikt që dy vëllezërit kanë pasur me autorin e plagosjes së 3-fishtë është shit-blerja e një motori disa muaj më parë.
Si pasojë e plumbave, Marsel Shenko mori plumb në dorën e majtë dhe ka dëmtime në këmbë e trup; Zhaver Shenko mori një plumb në këmbë; Flavio Kamberaj mori tre plumba, në kofshën e djathtë, legen, pjesën e poshtme të këmbës. (XH.A/SHUPLAKA)
Discussion about this post