Emisioni i fundit i programit “Dalla vostra parte” (Nga anët tuaja) i transmetuar në 10 janar në TG4 u është kushtuar italianëve që lënë vendin e tyre për të jetuar dhe punuar jashtë.
Padyshim një pjesë të rëndësishme e kanë zënë edhe italianët që jetojnë në Shqipëri.
Ata thonë se këtu jetojnë mirë pasi mund të hapësh një biznes të ri brenda ditës, taksat janë më të ulëta, çmimet më të ulëta dhe kostoja e jetesës më e lirë. (shiko nga minuta e 12-të në videon më poshtë).
Por pyetja që u ngrit në emision ishte nëse italianët vijnë në Shqipëri për shkak se “këtu kanë gjetur Amerikën” apo për tu shpëtuar taksave në vendin e tyre? Një pjesë e tyre thonë që hahet më mirë, ndërsa çmimet janë disa herë më të lira.
Si p.sh Massimo, në Itali një kuzhinier si shumë të tjerë, paguar keq dhe i pasigurtë, ndërsa në Shqipëri ndërkohë, është një shef kuzhine mjaft i vlerësuar dhe i paguar mirë.
Për këtë arsye, tre vjet më parë vendosi të transferohej 200 kilometra larg nga bregu Italian.
“Do më pëlqente të qendroja në Itali, ai është vendi im, toka ime, thotë Massimo me vështrimin melankolik.
“Por këtu në Tiranë jetohet më mirë. Shumë më mirë. Krahasuar me Italinë, je më i kënaqur dhe jeta kushton më pas. Ky vend për mua është Amerikë”, thotë ai.
Vetëm në Tiranë numërohen më shumë se 20 mijë (të regjistruar) shtetas italianë. Njëri prej tyre është Carmelo, pronar i një fabrike makaronash.
“Unë bëj makarona italiane dhe u ashes restoranteve të zonës, më pëlqen shumë dhe fitoj mirë. Këtu me dy mijë euro në muaj bën një jetë të mirë, je i pasur.
Ka shumë avantazhe dhe punohet me qetësi, pa problem. Këtu shteti të ndihmon, të vjen të takon, jo si në Itali. Ke mundësi të mira të bësh biznes dhe unë ndihem mirë. Në Shqipëri më duket se po shoh vitet e bumit ekonomik italian”, thotë ai.
Po padyshim në fund të emisionit pyetja që ne shqiptarëvena lind natyrshëm është: Nëse është aq Amerikë saç e mendojnë italianët, pse shumica prej nesh zgjedhin që të largohen nga vendi?!
Edhe vetë në emision drejtuesit e programit shprehen se është pak paradoksale që italianët të duan të largohen nnga vendi i tyre.
Drejtuesja e emisionit ka pyetur edhe në lidhje me sistemin e drejtësisë në Shqipëri, por italiani që jeton në Shqipëri shprehet se edhe ajo funksionon.
(E.K/FAXWEB)
https://www.youtube.com/watch?time_continue=1201&v=kpjlwgWUs6o
Discussion about this post