Plas sherri pranë mobilerisë, plagoset një person në Vlorë

Një plagosje me thikë ka ndodhur pak momente më parë në Vlorë. Ngjarja ka ndodhur në lagjen ”Bashkimi” në Vlorë, pranjë një mobilerie.

Burime bëjnë me dije se personi që ka mbetur i plagosur është rreth të 70-tave, ndërkohë që është identifikuar dhe shpallur në kërkim autori i ngjarjes.

Gazetarja e Fax News Afrovita Hysaj raporton se autori është po ashtu moshatar me personin e plagosur, ndërsa ngjarja dyshohet se ka ndodhur për çështje pronësie.

I plagosuri është qëlluar dy herë me thikë, në brinjë dhe në kofshë, ndërsa burime spitalore bëjnë me dije se gjendja e të moshuarit është e rëndë.

Njoftimi i policisë: 

Rreth orës 10:30, në lagjen “Kushtrimi” dyshohet se në një lokal është plagosur me mjet prerës shtetasi M.M., 77 vjeç, banues në Vlorë.

I dëmtuari është dërguar në Spitalin e Vlorës për ndihmë mjekësore.

Grupi hetimor ndodhet në vendin e ngjarjes dhe po punon për sqarimin e rrethanave.

Policia ka identifikuar autorin dhe po punohet për kapjen e tij