Edhe këtë herë duket se te ‘’Kenga Magjike” do të ketë mjaft të pakënaqur. Në një kompeticion ku këndojnë kolegët dhe votojnë po ata nisin edhe mosmarrëveshjet. Dhe në fakt kanë nisur ende pa ardhur në natën finale.
I mbetur jashtë finales Klejti Mahmutaj, i cili emocionoi të gjithë publikun me baladën e ndjerë “Më mbaj” thotë se mesa duket kolegët e tij kur kanë dëgjuar këngën e kanë pasur mendjen te pazaret e tyre.
“Përshëndetje, miq, kolegë, dashamirës.Rrugëtimi im” magjik” përfundoi në gjysmëfinale. Kolegët e nderuar që paskan dëgjuar me veshët mbrapa koke e mendjen te pazaret kanë vënë firmën e tyre prej pseudoartistësh në ato fleta me të cilat kanë blerë finalen e tyre.
Ky qenka arti shqiptar, nuk shkuake dot shumë larg nëse nuk di dhe pranon të bësh kompromise, nëse nuk bëhesh si ata, nëse nuk këndon me pikë. Me sa duket, zëri, talenti, interpretimi hidhen në kosh përpara pazareve.Suksese të gjithëve, e fitoftë me i miri!”, shkruan Kejti pas eleminimit.
(E.K/FAXWEB)
