Pas lajmit për dorëheqjen e ministrit të punëve të brendshme Saimir Tahiri, i cili vetëm një orë më parë e përgënjeshtroi lajmin, plasin ironitë dhe komentet në rrjetet sociale.
Ish-kreu i AKBN-së Besjan Pesha e cilëson si një tallje dorëheqjen dhe më pas mohimin e sja nga ministri Tahiri.
“S’kishim ç’bënim sot dhe thamë të tallim trapin me ju- Saja”, shkruan Pesha.
Nga ana tjetër, ish-këshilltari i Fatos Nanos Ylli Dylgjeri nis me ironitë e tij të zakonshme në Facebook, dhe përmend “Fake News-et”, një nga taktikat më të përdorura sipas tij në Ministrinë e Brendshme në javën e parë të punës.
“Fake News…
Ishte java parë e punës në MB.
Sipas traditës, dilnim edhe pas dite deri vonë në punë.
Sipas traditës, pinin edhe kafe te Hotel “Dajti”.
Sipas traditës, duhej ta pija kafen me Drejtor e lart…
Kështu dola atë pasdite. Duke ngjitur shkallët e Ministrisë, në katin e dyte, më nderon me dorën lart polici roje i katit.
Ndaloj një çast, dhe e pyes:- është zvMinistri në zyrë?
Po! – më thotë prere e me dorën lart.
Flm- i them, dhe trokas në zyrën e ZvMinistrit. Pres pak dhe shty derën. Dera ishte e mbyllur dhe nuk u hap. Kthehem për të zbritur shkallët drejt hotel Dajtit.
Kur…dëgjoj një zë të fortë nga pas:
Të rrejta!!!
Ishte polici i katit që i skuqur në fytyre, me dorën sërisht lart…më sqaronte.
Mund të jetë aty akoma…”, shkruan Dylgjeri në Facebook.
Nga ana tjetër, gazetari Agim Xhafka e krahason largimin e Tahirit me pozicionet e gruas në dhomën e gjumit.
“Largimi i Tahirit dhe mbase i ca ministrave të tjerë më ngjajnë me aksionin e herë pas hershëm që bën gruaja ime në dhomën e gjumit. E ka hobi ndryshimin e vendeve të krevatit,komosë,garderobës,,komodinave…”, shkruan Xhafka.
Lajmi për dorëheqjen e ministrit Tahiri u dha pas takimit me kryeministrin Edi Rama, në selinë e kryeministrisë. Madje u përfol edhe për një ndryshim të mundshëm të kabinetit qeveritar. Midis ministrave që pritet të largohen, u përmendën emrat e Bledi Çuçit, Mimi Kodhelit, Ilir Beqaj, Damian Gjiknuri. Por kjo pritet të mësohet deri të hënën kur do të mbahet kryesia e Partisë Socialiste. Megjithatë, vetëm një orë më parë, Tahiri tha se lajmi nuk ishte i vërtetë. (D.D/Shuplaka)
