Plasin grabitjet, hajdutët në Belsh vjedhin disa banesa dhe biznese, filmohen nga kamerat e sigurisë

Tre hajdutë kanë vjedhur disa banesa dhe biznese ne Belsh. Autorët ende nuk janë arrestuar, por janë kapur nga kamerat e sigurisë.

Autorët kanë hyrë në banesat e personave me inicialet G.H. duke i vjedhur një shumë të konsiderueshme parash ditën e dielë, ndërsa pre e këtij grupi, dyshohet më pas ka rënë edhe banesa e G.Gj. ku po ashtu kanë marrë një shumë parash dhe janë larguar në errësirë me shpejtësi sapo është zgjuar e zonja e shtëpisë, e cila i ka ndjerë lëvizjet.

Po ashtu pak kohë më parë personave me inicialet B.Z. C.H. dhe B.A u kanë vjedhur makinat. Pas këtyre ngjarjeve banorët e prekur kanë denoncuar rastet dhe policia ka nisur hetimet por deri tani nuk është arrestuar asnjë nga autorët e dyshuar.

Banoret shprehen tepër të shqetësuar pasi në zonën e Belshit po ndodhin shumë vjedhje dhe kanë frikë të qëndrojnë në banesat e tyre pasi kanë fëmijë të vegjël dhe prindërit e moshuar.