Mijëra njerëz dolën në rrugët e New York-ut dhe Washingtonit për të protestuar kundër administratës së ardhshme të Shtëpisë së Bardhë.
Një natë përpara inaugurimit të Trump, mijëra njerëz dolën në rrugët e New York-ut për të protestuar duke marshuar më pas në drejtim të Kullës Trump, ku manjati jeton.
Protesta të dhunshme janë zhvilluar në Washington, ku një grup i përbërë nga qindra protestues u përleshën me policinë dhe sulmuan mbështetësit e Trump që mbërritën në ceremoninë hapëse të Presidentit të ri. Me ulërima dhe kërcënime, ata qëlluan me shishe disa prej mbështetësve duke u shkaktuar fraktura në kokë.
Zyrtarët shprehën shqetësimin e përballjes së këtyre grupimeve me qasje të kundërta nga njëra-tjetra. Rreth 28,000 pjesëtarë të personelit të sigurimit, postblloqe, barrikada në rrugë dhe kamionë të ngarkuar me rërë, ishin pjesë e kordonit të sigurisë rreth 8 km katror të gjatë në Washingtonin qendror.
Sipas vlerësimeve të organizatorëve, rreth 900.000 njerëz pritet që të protestojnë gjatë ceremonisë të së premtes në Washington. Numri i protestave të planifikuara cilësohet si më i larti në raport me numrin tipik të protestave të organizuara gjatë inaugurimeve të presidentëve. (XH.A/SHUPLAKA)
[ngg_images source=”galleries” container_ids=”857″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
