Ndërkohë që vera po afron pyetja më e zakonshme në këtë peridhë është nëse do të lejohemi të shkojmë në plazh, me masat e reja të vendosura kundër COVID-19.
Një qytetare, e shqetësuar për këtë situatë, ka pyetur kryeministrin Edi Rama, duke i thënë se nuk gjente arsye pse e ndalonin të bënte banjë dielli, kur ishte e vetme në plazh.
“Të jesh në breg të detit e vetme pa njerëz, e të të ndalojnë të bësh banjë apo të vraposh, më tregoni arsyen pse nuk mund të merrem me këtë aktivitet të mrekullueshëm?“, pyet qytetarja në dukje e revoltuar.
Ndërkohë Rama i thotë se nëse plazhet hapen do të hapen për të gjithë dhe se nuk ka një “det privat”.
“Ke ndonjë det privat? Nëse ke ndonjë det privat dhe mund të ruash distancën me të tjerët mund të shkosh, por nuk det privat dhe nëse hapet për të ty do të hapet për të gjithë, dhe po u hap për të gjithë, do të ketë njerëz qe vrapojnë e notojnë. Nëse shikoni masat e Greqisë, në plazhet private për një numër të kufizuar personash kanë lënë hapësirë, në plazhet e tjera jo“, tha kryeministri.
