Kryeministri Edi Rama pas incidentit me bojë që pati sot në Kuvend, ku u sulmua nga deputeti demokrat Edi Paloka, duket se e ka gjetur shpëtimin në reagimet e njëpasnjëshme në rrjetet sociale.(Lexo ketu)
Rama shprehet falenderues për të gjitha mesazhet e solidaritetit që ka marrë dhe thotë se boja se shqetëson hiç, për faktin se është piktor.
Në Kuvend Rama preferoi që të mos fliste më pas incidentit, duke u mjaftuar me disa shprehje: Plehrë, plehrë!, në drejtim të Palokës, po pa mikrofon.Sipas Ramës sa më shumë incidente të tilla të ndodhin, atij aq më shumë i rritet pasioni dhe vendosmëria për punën e tij.
Reagimi i Ramës:
Flm për mesazhet e solidaritetit, po s’më shqetëson hiç boja se me bojrat jam rritur e mësuar?Më shqetëson mendja e shpirti katran i palopërfaqësuesve të një populli që s’i meriton këta zorzopë. Prandaj jo që s’i hap rrugë budallallëkut, po veç më rritet pasioni e vendosmëria
Në një reagim të mëhershëm, Rama kapej sërish me th-në e deputetit demokrat Paloka, duke thënë se ajo që ndodhi sot në Kuvend, është program që ka PD për qeverisjen e vendit. (Lexo ketu)
Ndërkohë që Paloka u shpreh pas largimit të tij nga Kuvendi, se gjesti i sotëm nuk ishte një hakmarrje personale, po një revoltë e shqiptarëve, që do të shpaloset më së miri në protestën e 16 Shkurtit. (Lexo ketu)
(E.K/FAXWEB.AL)
Discussion about this post