Kapshtica ka kaluar sërish në një gjendje ‘paralize’ sa i përket kalimit të emigrantëve shqiptarë për në vendin fqinj të Greqisë, ndërsa janë krijuar radhë të gjata mjetesh.
Kjo bëhet me pretekstin se është plotësuar numri i qytetarëve ditor që është përcaktuar për të kaluar në doganë, ndërsa me dhjetra persona kanë mbetur në pritje.
Burime bëjnë me dije se një pjesë e tyre janë akomoduar përkohësisht në hotelet e zonës për të kaluar natën, ndërsa ka edhe të tjerë që qëndrojnë në pritje në automjetet e tyre.
Raportohet se rreth 100 persona janë aty që prej mëngjesit të sotëm, për shkak se është plotësuar kuota e 300 personave për të kaluar. Në hyrje të fshatit është vendosur postbllok dhe nuk lejohet të kalojnë makina të tjera.
(F.GJ/FAXWEB.AL)
Discussion about this post