Gjykata e Krimeve të Rënda ka caktuar masën e sigurisë “arrest me burg” për 20-vjeçarin Aldi Lleshaj, por këtë vendim i riu e ka pritur në spital.
20-vjeçari u dënua pasi më 22 dhjetor grabiti një automjet të tipit “Porsche”, dhe më pas qëlloi ndaj patrullës së policisë duke plagosur në kokë një efektiv.
Lleshaj u arratis dhe për ta kapur atë u deturuan të ndërhyjnë edhe Forcat RENEA dhe FNSH.
Por për ta ndaluar të riun, policëve iu desh ta neutralizonin duke e plagosur në këmbë.
Një gazetë e përditshme ka arritur të sigurojë pamjet e 20-vjeçarit, i cili shihet i vetëm në dhomë, për shkak të masave të sigurisë, i shtrirë dhe me vigonin e serumit në krah.
Lleshaj akuzohet për kryerjen e veprave penale si “Vjedhje me armë”, “Vrasje e punonjësit të policisë”, në tentativë, si edhe “armëmbajtje pa leje”.
Sapo i riu të marrë veten nga plagosja, do të dërgohet menjëherë në burg. (D.D/Shuplaka)
