Një konflikt ka ndodhur ditën e djeshme në Shkodër në një lokal në qendër të qytetit. Disa persona janë përplasur me armë mës tyre.
Sipas policisë, më datë 23.03.2017 rreth orës 00:10 në një lokal në fshatin Bërdicë ka ndodhur një konflikt i çastit për motive të dobëta mes disa personave ku ka ngelur i dëmtuar shtetasi F. F 34 vjec, banues në Shkodër.
Më pas kur kanë dalë nga lokali këta përsona kanë thyer xhamat e parë të dy mjeteve të cilat ndodheshin në parkingun e lokalit.
Njëri nga personat ka qëlluar me armë zjarri pistoletë në ajër dhe është larguar së bashku me personat e tjerë me automjetet e tyre.
Me marrjen e njoftimit për ngjarjen e ndodhur shërbimet e Komisariatit të Policisë Shkodër kanë mbrritur në vendngjarje dhe nga veprimet paraprake hetimore është bërë identifikimi dhe shpallja në kërkim e shtetasit: *A. K. 32 vjeç, banues në Lezhë.
Policia bën me dije se po punohet për identifikimin dhe kapjen e bashkëpunëtorëve të tjerë dhe zbardhjen e plotë te ngjarjes.
“Materialet iu referuan Prokurorinë e Rrethit Gjyqësor Shkodër, për veprat penale “Kanosja” ,”Plagosja e lehtë me dashje”, “Shkatërrimi i pronës”, “Prishja e qetësisë publike”, “Prodhimi dhe mbajtja pa leje e armëve luftarake dhe e municionit” të kryera në bashkëpunim”, thuhet në njoftimin e policisë.
