Hysamendin Feraj, anëtar i Këshillit të Përgjithshëm të Lëvizjes Vetëvendosja në Tiranë, i ftuar në FaxNews foli në lidhje me “MiniShengenin Ballkanik”, nismë kjo e iniciaur nga presidenti serb Aleksandër Vuçiç, kryeministri shqiptar Edi Rama si dhe nga kryeministri i Maqedonisë së Veriut Zoran Zaev.
Feraj e konsideroi këtë nismë si në dëm të sovranitetit shqiptar dhe se janë kundër kësaj sjellje të kryeminist Rama.
“Ne jemi kundër kësaj sjellje të qeverisë Rama. Të dëmit që i sjellë sovranitetit shqiptar. Kosova varet se në çfarë cilësie ftohet. Nëse ftohet që ti mbajë valixhet Serbisë atëherë nuk ka pse të shkojë.
Nuk ka pse Kosova të merret me hollësi lojrash dhe intrigash kur ka çështje primare dhe më madhore. Siç është njohja e Kosovës, që të jetë aty si shtet sovran njëlloj si të tjerët.
Për sa kohë që Serbia merr pjesë në një forum, Kosova nuk ka pse të shkojë. Nëse Rama do të bëjnë një politikë rajonale duhet që fillimisht shtetet ta pranojnë pavarsinë e Kosovës në Rajon.
Rama e kërko në Beograd pavarësinë e Kosovës, mund ta kërkojnë 50 herë dhe 70 herë e cënon. Po cënon sovranitetin e Serbisë dhe jo më të Kosovës. Zoti Rama është i dhënë i tëri në shërbim të Vuçiç dhe të Serbisë. Gjatë kësaj kohe janë duke u përpjekur dhe për mua çka është gabuar në parim nuk mund të kenë të drejtë në detaje. Në parim kjo lëvizje e Ramës është e gabuar pastaj asnjë detaj nuk e bën të drejtë.
Ne si Vetëvendosje jemi në konflikt me cekëtësinë, cektësinë së mendimit. Vetëvendosja është dashur me kohë të ishte në Tiranë. Është koncept dhe filozofi që duhet të kishte drejtuar shqiptarët. Në Shqipëri ka shumë cektësi intelektuale e cila është rrënjosur nga diskursi përditshëm politik dhe mediatik, por edhe nga shkolla, formimi.”– u shpreh Feraj.
(M.Q/Faxweb.al)
